Premyer Liqanın 6-cı turunda “Turan Tovuz” Suraxanıda nominal meydan sahibi qismində “Kəpəz”i qəbul edib (3:0).
Qərb derbisində tovuzluların 1 saat ərzində rəqib qapısından 3 top keçirməsi gəncəli azarkeşləri özündən çıxarıb.
“Xəmsə” və “Kəpəz Ultras”ın yer aldığı tribunadan “Turan Tovuz”un ünvanına təhqiramiz şüar səsləndirilib. Çox keçmədən qarşı sektordan eyni məzmunlu cavab gəlib.
Həmin vaxt “Xəmsə”nin üzvlərindən biri oturacağı sındırıb.
Stadiona ziyan vurulduğunu görən polislər xuliqanlıq edən azarkeşi polis şöbəsinə aparıb.
HƏBİB / SPORTİNFO,AZ
