BAKI, 29 sentyabr. TELEQRAF
Ukrayna Hərbi Hava Qüvvələrinin donanması İsveçin dördüncü nəsil "Gripen" qırıcıları ilə genişləndiriləcək.
Teleqraf xəbər verir ki, bu barədə Ukrayna müdafiə nazirinin müavini general-leytenant İvan Qavrilyuk "BBC"yə müsahibəsində bildirib .
Onun sözlərinə görə, əlavə təyyarələrin tədarükü gözlənilir. Bunlara İsveç qırıcılarından əlavə, artıq ukraynalı pilotlar tərəfindən idarə olunan Amerika "F-16-lar"ı və Fransanın"Miragelər"i daxildir.
Eyni zamanda, general-leytenant onların nə vaxt göndəriləcəyini və nə qədər olacağını açıqlamayıb.
“Onları Ukrayna üzərində havada görəndə, o zaman biləcəksiniz" - deyə, general bildirib.
