“Uralvaqonzavod” konserninin bir hissəsi olan Nəqliyyat Mühəndisliyinin Ural Dizayn Bürosu köhnə T-72 və T-90 tanklarını tanka dəstək döyüş maşınlarına (BMPT) çevirməyi öyrənib.
Herbiand.az bildirir ki, bu barədə ixtiranın patentinə istinadən TASS məlumat yayıb.
Dizayn Bürosunun təklifi tankların qüllələrinin sökülməsini və şassilərinin BMPT-nin döyüş modulu ilə cütləşməyə imkan verən adapter halqası ilə təchiz edilməsini nəzərdə tutur. Daha sonra texnika digər avadanlıqla təchiz edilir.
“Uralvaqonzavod” bundan əvvəl “Ordu-2022” Beynəlxalq Hərbi-Texniki Forumunda T-72-nin bazasında hazırlanmış BMPT-72-ni nümayiş etdirmişdi.
Müasir BMPT-72 “Terminator-2” ilk dəfə 2013-cü ildə təqdim edilib. 44 tonluq avtomobil iki 30 mm-lik 2A42 avtomatik top, 7,62 mm-lik PKT pulemyotu, həmçinin 9M120 ailəsi idarə olunan raketlər üçün dörd buraxılış konteyneri (“Ataka” kompleksi) və iki avtomatik 30 mm-lik AQ-17D minaatan ilə silahlanıb.
Bəxtiyar CƏFƏRLİ
