BAKI, 30 sentyabr. TELEQRAF
Astanada əməkdaşlıq layihələrinin icrasının yekunlarına həsr olunmuş Genişləndirilmiş Konfrans çərçivəsində “Almaniya ilə biznesdə tərəfdaşlıq” proqramının 2026-2028-ci illər üçün uzadılmasına dair birgə saziş imzalanıb.
Teleqraf xəbər verir ki, Qazaxıstan Milli İqtisadiyyat Nazirliyi ilə Almaniya İqtisadiyyat və Energetika Nazirliyinin birgə bəyanatı əsasında “Almaniya ilə biznesdə tərəfdaşlıq” proqramı 15 ildirhəyata keçirilir.
Bu müddət ərzində 800-dən çox qazaxıstanlı sahibkar Almaniyada təcrübə keçərək biznesin idarə olunmasının müasir üsullarına yiyələnib.
Konfransda proqramın nəticələrinə və qarşıdakı dövr üçün qarşıda duran yeni vəzifələrə xüsusi diqqət yetirilib.
Qazaxıstan iqtisadiyyat nazirinin müavini Yerlan Saqnayev əməkdaşlığın genişləndirilməsinin vacibliyini qeyd edib. Proqram təkcə sahibkarların peşəkar yüksəlişinə deyil, həm də iki ölkə arasında iqtisadi əlaqələrin möhkəmlənməsinə töhfə verəcək.
