Demokrat.az teleqraf.az-a istinadən xəbər verir ki, bu gün Nəsimi Rayon Məhkəməsində hakim Solmaz Mustafayevanın sədrlik etdiyi prosesdə ekspert Məhəmməd Əmrahov ifadə verib.
Ekspert əməliyyat diskini izlədiyini bildirib. Onun sözlərinə görə, 07.01.2025 və 10.01.2025-ci il tarixlərində çəkilmiş baş-beyin KT müayinəsində görüntülərdə burun nahiyəsində, alın və xəlbir sümüklərində postop (əməliyyatdan sonrakı - red.) sümük defektləri və sınıq xətti izlənilib.
Alında sağ tərəfdə qopmuş sümük fraqmentləri aşkar olunub.
Daha sonra zərərçəkmiş şəxsin vəkili Tural Musayev ekspertə verdiyi rəydə yazılanların özünə məxsus olub-olmadığını və onları təsdiq edib-etmədiyini soruşub.
Məhəmməd Əmrahov yazılanların ona məxsus olduğunu və rəyi tam təsdiq etdiyini bildirib. Təqsirləndirilən Sənan Mehdiyev ekspertdən xəstəni meningit edə biləcək hər hansı sınıq aşkar edib-etmədiyini soruşub.
Məhəmməd Əmrahov burun əməliyyatlarının hər birinin fərqli olduğunu qeyd edib:
"Mən deyə bilmərəm ki, bu, hansı sümük zədələnməsidir. Xəstənin kəllə boşluğunda sınıq yox idi".
Sənan Mehdiyevin vəkili ekspertdən neçə vaxtdır bu sahədə işlədiyini soruşub. Məhəmməd Əmrahov 20 ildən çox ancaq KT üzrə sənədlərə baxaraq rəy bildirdiyini deyib:
"Mən KT-dən başqa, heç nəyə cavabdeh deyiləm".
Növbəti məhkəmə prosesi oktyabrın 3-nə təyin olunub.
İttihama görə, Sənan Mehdiyev 2025-ci ilin yanvar ayında Nəzrin Mansurlunu cərrahi əməliyyat edən zaman onun alın, xəlbir və ön çənə sümüklərinə əlavə sınıq xəsarətləri yetirməsinə səbəb olub.
İttihamda göstərilib ki, həkim apardığı vizual müayinənin nəticələrini yetərli hesab edərək əməliyyatın nəticələri haqqında tibbi tədbirlərin təyinatını dəqiqləşdirməyib və onun nəzarət altında qalmasını təmin etməyib.
Nəzrin Mansurlu 2025-ci ilin yanvarın 12-də vəziyyəti ağırlaşdığı üçün yerləşdirildiyi xəstəxanada həkim Sənan Mehdiyevin əməliyyat zamanı burun, alın, xəlbir sümüklərini sındırması nəticəsində aldığı xəsarətlərdən ölüb.
8Mənbələr
-
demokrat.azNəzrin Mansurlunun ölümü ilə bağlı plastik cərrahın MƏHKƏMƏSİ KEÇİRİLDİ ( 21910300)
-
bizim.mediaNəzrin Mansurlunun ölümü ilə bağlı plastik cərrahın MƏHKƏMƏSİ KEÇİRİLDİ ( 21909643)
-
konkret.azPlastik cərrah Sənan Mehdiyevin məhkəməsində ekspert rəyi açıqlandı ( 21906316)
-
pravda.azNəzrin Mansurlunun ölümü ilə bağlı plastik cərrah Sənan Mehdiyevin MƏHKƏMƏSİ: Ekspert rəyi açıqlandı ( 21904162)
-
publika.azNəzrinin ölümü ilə bağlı plastik cərrah Sənan Mehdiyevin MƏHKƏMƏSİ ( 21903262)
-
oxu.azNəzrin Mansurlunun ölümü ilə bağlı plastik cərrah Sənan Mehdiyevin MƏHKƏMƏSİ: Ekspert rəyi açıqlandı ( 21902965)
-
oxu.azNəzrin Mansurlunun ölümü ilə bağlı plastik cərrah Sənan Mehdiyevin MƏHKƏMƏSİ: Ekspert rəyi açıqlandı ( 21902959)
-
teleqraf.comPlasitik əməliyyatda ölən Nəzrin Mansurlunun işi ilə bağlı məhkəmədə ekspert ifadə verdi ( 21898951)
