Odessa və Odessa vilayətində xilasedicilər 24 saata yaxındır ki, leysan yağışları nəticəsində yaranmış daşqının nəticələrini təmizləyirlər...
Poliqon xəbər verir ki, bu barədə RBC-Ukrayna nəşri Ukraynanın Fövqəladə Hallar üzrə Dövlət Xidmətinə istinadən məlumat yayıb.
Kəskin hava şəraiti bir uşaq da daxil olmaqla 9 nəfərin həyatına son qoyub.
Xilasedicilərin gecə boyu su basmış ərazilərdən insanları evakuasiya etmək, maşınları çıxarmaq və binalardan suyu çıxarmaq üçün işlədiyi bildirilir.
Yerli vaxtla səhər saat 7:00 radələrində ötən gün itkin düşən qız tapılıb. Axtarış yerində Dövlət Fövqəladə Hallar Xidmətinin psixoloqu da çalışıb.
Ümumilikdə 362 nəfər xilas edilib, 227 nəqliyyat vasitəsi yedəyə alınıb.
Poliqon.info
