Hurriyyet saytından verilən məlumata görə, ain.az xəbər verir.
Son aylarda Xətai rayonunda bir sıra qanunsuz tikililərin inşası müşahidə olunur. Ərazidə aparılan tikinti işlərinin əksəriyyətinin müvafiq icazələrsiz və şəhərsalma qaydalarını pozaraq həyata keçirildiyi iddia olunur. Sakinlər bildirirlər ki, bu vəziyyət həm yaşayış mühitinə, həm də şəhərin ümumi görünüşünə ciddi zərbə vurur.
"AzərbaycanReallığı" xəbər verir ki, Rayon əhalisi məsələ ilə bağlı dəfələrlə aidiyyəti qurumlara müraciət etdiklərini desələr də, hələlik real nəticə əldə olunmadığını vurğulayırlar. “Əgər tikililər qanunsuzdursa, niyə vaxtında qarşısı alınmır? Əgər qanunidirsə, niyə ictimaiyyətə məlumat verilmir?” – deyə sakinlər sual edirlər.
Ən çox diqqət çəkən məqam isə yerli icra hakimiyyətinin mövqeyidir. Qanunsuz tikililər göz önündə baş versə də, icra hakimiyyətinin bu məsələyə münasibəti ictimaiyyət üçün hələ də aydın deyil. Mütəxəssislər hesab edirlər ki, belə hallara göz yumulması korrupsiya şübhələrini artırır və vətəndaşların dövlət qurumlarına inamını sarsıdır.
Şəhərsalma üzrə ekspertlər bildirirlər ki, paytaxtda aparılan qanunsuz tikililər nəinki estetik və ekoloji problemlərə, həm də gələcəkdə ciddi təhlükəsizlik risklərinə səbəb ola bilər. “Qanunsuz tikinti demək – nəzarətsiz proses deməkdir. Bu da həm keyfiyyət, həm də təhlükəsizlik baxımından riskləri artırır” – deyə ekspertlər xəbərdarlıq edirlər.
Hazırda əsas sual budur: Xətai rayonunda qanunsuz tikililərə göz yumulmasının səbəbi nədir? İcra başçısı və digər aidiyyəti qurumlar bu vəziyyətə nə vaxt və necə reaksiya verəcək?
Daha ətraflı məlumat və yeniliklər üçün ain.az saytını izləyin.
