Donald Trampın ABŞ və Avropa İttifaqı ölkələrinin əksəriyyətindən tələb etdiyi kimi Macarıstan Rusiya neftinin idxalından imtina etməyə hazır deyil.
Bakıvaxtı.az “LeFigaro.fr”ə istinadən xəbər verir ki, bu barədə Macarıstanın baş naziri Viktor Orban Kopenhagendə jurnalistlərə açıqlamasında bildirib. O qeyd edib ki, Amerika prezidenti Donald Tramp ondan heç vaxt Rusiya neft kranını bağlamağı xahiş etməyib:
"Amerika prezidenti digər ölkələrin suverenliyinə hörmət edir, o, sadəcə məndən vəziyyətin necə olduğunu soruşub, kranı bağla deməyib. Bunlar ayrı-ayrı məsələlərdir:
“Bir sıra Avropa İttifaqı (Aİ) ölkələri Macarıstan və Slovakiyadan Rusiya neftinin idxalını dayandırmağı tələb edir, , çünki bu gəlirlər Moskvanın Ukraynadakı müharibə səylərinin bir hissəsini maliyyələşdirir. D.Tramp da öz növbəsində dəfələrlə Avropadan Rusiya neftinin alınmasını tənqid edərək, “üzrlü davranış”ı pisləyib, lakin heç vaxt Macarıstana barmağını göstərməyib. Hələ 2022-ci ildə Rusiya neftindən imtina etmək qərarına gələn Avropa İttifaqı, Rusiya karbohidrogenlərindən çox asılı olan dənizə çıxışı olmayan Macarıstan və Slovakiyaya güzəştlər verdi. Bu istisnanın ləğvi üçün hər iki ölkənin razılığı lazımdır. Bu çətinlikdən yan keçmək üçün Aİ Rusiya neftinin idxalına tariflər tətbiq etməyi düşünür. Bu ticarət tədbiri olduğundan, 27 üzv dövlətlərin 55%-nin və ya Avropa əhalisinin ən azı 65%-ni təmsil edən 15 ölkənin təsdiqini tələb edən səs çoxluğu ilə qəbul edə bilər”.
Qeyd edək ki, Avropa Komissiyası həmçinin üzv dövlətlərə 2027-ci ilə hətta mayeləşdirilmiş təbii qaz (LNG) üçün, 2026-cı ilə qədər Rusiya karbohidrogenlərinin idxalını tamamilə dayandırmağı təklif edib.
Aydın Baxış
