ain.az, Azertag saytından verilən məlumata əsaslanaraq xəbər yayır.
Gəncə, 2 oktyabr, AZƏRTAC
Azərbaycanın ilk dəfə ev sahibliyi etdiyi III MDB Oyunlarında üzgüçülük yarışları davam edir.
AZƏRTAC xəbər verir ki, Gəncə İdman Sarayında təşkil edilən yarışların beşinci günündə daha bir təmsilçimiz medal qazanıb. Anastasiya Qnussina 1500 metr məsafəyə sərbəst üsulla üzmədə bürünc mükafata sahib çıxıb.
Bu gün, həmçinin Süleyman İsmayılzadə 400 metr məsafəyə sərbəst üsulla üzmədə birinci yeri tutaraq, fəxri kürsünün ən yüksək pilləsinə qalxıb.
Xatırladaq ki, 13 ölkədən ümumilikdə 1624 idmançının iştirak etdiyi III MDB Oyunlarına oktyabrın 8-də yekun vurulacaq.
Daha ətraflı məlumat və yeniliklər üçün ain.az saytını izləyin.
