BAKI, 2 oktyabr. TELEQRAF
Avropa İttifaqı (Aİ) Ukraynanın blokun üzvü olmasına hazırlıq görür.
Teleqraf xəbər verir ki, bu barədə Kopenhagendə keçirilmiş dövlət və hökumət başçılarının qeyri-rəsmi sammitinin yekunlarına həsr olunmuş mətbuat konfransında Avropa İttifaqı Şurasının Prezidenti Antonio Koşta bildirib.
"Biz həmçinin Ukraynanın Aİ-na üzvlüyü üçün zəmin hazırlayırıq. Avropa Komissiyası Kiyevin Aİ-yə üzvlüklə bağlı həyata keçirdiyi islahatları tanıyır",- o qeyd edib.
Antonio Koşta vurğulayıb ki, indi Aİ-nın öz öhdəliklərini yerinə yetirməsinin vaxtıdır və genişlənmə Avropanı gücləndirəcək.
