BAKI, 3 oktyabr. TELEQRAF
Bolqarıstan parlamenti ölkə prezidentinin xüsusi xidmət rəhbərlərini təyin etmək səlahiyyətini ləğv edib.
Teleqraf xəbər verir ki, bu barədə Bolqarıstan Teleqraf Agentliyi məlumat yayıb.
Məlumata görə, Dövlət Milli Təhlükəsizlik Agentliyi və digər xüsusi xidmətlər haqqında qanuna edilən dəyişikliklər əksəriyyət tərəfindən iki oxunuşda qəbul olunub.
Bolqarıstan Prezidenti Rumen Radev yeniliyin xüsusi xidmətlərin siyasətçilərin təsirinə tabe olmasına gətirib çıxaracağını bildirib. O hesab edir ki, bu qurumlardan yalnız seçkilərdə manipulyasiyalar üçün deyil, həmçinin maliyyə pozuntularının araşdırılması və rəqib siyasi qüvvələrə qarşı kompromat toplamaq üçün istifadə olunacaq.
