Serbiyanın baş nazirinin birinci müavini və maliyyə naziri Sinişa Mali GLOBSEC Tatra 2025 sammitində çıxış edərək bildirib ki, Serbiya mümkün qədər tez Avropa İttifaqına tam üzv olmağı hədəfləyir.
OIaylar xəbər verir ki, Mali qeyd edib:
"Serbiya üzvlük namizədi statusuna malikdir, yəni hələ tamhüquqlu Aİ üzvü deyilik, amma əsas ticarət tərəfdaşımız olan Aİ ilə demək olar ki, eyni çağırışlarla üzləşirik. Etdiyimiz bütün addımlar Aİ-yə mümkün qədər tez üzv olmaq məqsədinə xidmət edir."
O əlavə edib ki, Aİ gələcəkdə ucuz enerji təminatı üzrə hələ də aydın strategiya hazırlamayıb:
"Dürüst olmaq lazımdır, Serbiya baxımından Aİ-nin hansı istiqamətdə getdiyi aydın görünmür. Almaniya altı qiqavatlıq kömür stansiyasını işə salıb, Fransa bir, Yunanıstan isə bir stansiya əlavə edib. Biz bu qitədə yaşıl iqtisadiyyat və iqlim dəyişiklikləri haqqında danışmışıq. Amma təmiz və ucuz enerji ehtiyacı bütün digər ideyalardan üstün gəlir."
Hazırda Aİ-yə üzvlük namizədi statusuna malik ölkələr Albaniya, Bosniya və Herseqovina, Gürcüstan, Moldova, Şimali Makedoniya, Serbiya, Türkiyə, Ukrayna və Monteneqrodur. Brüssel Serbiyaya təzyiq göstərərək onu Kosovoya bu statusu tanımağa razı salmağa çalışır ki, bu, faktiki olaraq ərazinin müstəqilliyini rəsmən tanımaq deməkdir.
Serbiya prezidenti Aleksandar Vuçiç isə etiraf edib ki, son iyirmi ildə ölkədə Avropa İttifaqına üzvlüyə dəstək 80%-dən 40%-ə düşüb. O vurğulayıb ki, bu azalma xarici təsirlərdən yox, daxili amillərlə bağlıdır.
İbrahim Məmmədli
