“Google” 100-dən çox dizayneri işdən çıxardı

“Google” dizayn sahəsində 100-dən çox ştatı ixtisar edib.

Publika.az xəbər veirr ki, son bir həftə ərzində bulud texnologiyaları bölməsinin “istifadəçi təcrübəsinin kəmiyyət tədqiqatları” və “platformalar və xidmətlərlə iş təcrübəsi” şöbələrində, eləcə də bir sıra digər şöbələrdə çalışan əməkdaşlar ixtisar edilib. Bulud texnologiyalarının inkişafı üzrə bəzi komandalar yarıya endirilib.

Həmin bölmələr adətən istifadəçi davranışını başa düşmək və məhsul dizaynını formalaşdırmaq üçün məlumatlardan, sorğulardan və digər alətlərdən istifadəni nəzərdə tutur.

İxtisarların çoxu ABŞ-da işləyən əməkdaşlara aid olub.