Finss.az xəbər verir ki, Almaniyanın Uniper şirkəti bu mövsüm doldurma öhdəliyini yerinə yetirmədiyi üçün Breitbrunn yeraltı qaz anbarını bağlamaq üçün icazə istəyib.
Avstriya sərhədi yaxınlığında, tükənmiş qaz yatağında məsaməli su anbarında yerləşən bu yeraltı qaz anbarı 1996-cı ildə istifadəyə verilmişdir. Onun tutumu 1,1 milyard kubmetr aktiv qaz, maksimum gündəlik hasilatı 14 milyon kubmetrdir. Hazırda Avropanın yeraltı qaz anbarlarındakı ümumi ehtiyatların 82,5%-i ilə müqayisədə yarıdan bir qədər çox (57%) doludur.
Almaniyanın qaz anbarlarının ümumi tutumu 24 milyard kubmetr, Uniper-in isə 6 milyard kubmetrdir.
