İngiltərə Premyer Liqasının üç klubu “Barselona”nın qapıçısı Mark Andre ter Ştegeni transfer etmək istəyir.
Msport.az xəbər verir ki, “Mançester Yunayted”, “Tottenhem” və “Nyukasl” alman qolkiper üçün hərəkətə keçib. Hər üç klub onu icarəyə götürməyi planlaşdırır.
Kataloniya klubunun rəhbərliyi 33 yaşlı futbolçunu satmağı düşünür. Buna səbəb isə gənc qapıçı Joan Qarsiyanın La Liqada mövsümünün əvvəlində effektiv oyunudur.
24 yaşlı Qarsiya bu mövsüm 6 oyun keçirib, cəmi 4 qol buraxıb və 3 matçda qapısının toxunulmazlığını saxlayıb.
2014-cü ilin yayında “Barselona”ya qoşulandan bəri, ter Ştegen komandanın heyətində 422 oyun keçirərək, klubun 2014/15 mövsümündə altı La Liqa, altı İspaniya kuboku və Çempionlar Liqasını qazanmasına kömək edib. Onun “Barsa” ilə müqavilə müddəti 2028-ci il iyunun 30-na qədərdir.
