Apokalipsis ustası sayılan yazıçı 23 ildən sonra mükafat alan ikinci macar müəllif oldu...
2025-ci il üçün Ədəbiyyat üzrə Nobel Mükafatı macar yazıçı Laslo Krasnahorkainə təqdim olunub.
Poliqon xəbər verir ki, bu barədə Fransanın “Le Monde” nəşri məlumat yayıb. 1954-cü ildə anadan olmuş və müasir Avropa ədəbiyyatının ən orijinal müəlliflərindən biri hesab edilən Krasnahorkai “apokaliptik üslubun ustası” kimi tanınır. O, bu mükafata 2002-ci ildə layiq görülən həmvətəni İmre Kerteszdən 23 il sonra sahib olub.
Nəşrin yazdığına görə, Krasnahorkainin yaradıcılığı artıq uzun illərdir ki, dünya ədəbiyyatında mühüm mövqe tutur və onun Nobel mükafatına layiq görülməsi həm fərdi ədəbi nailiyyətin, həm də Şərqi Avropa ədəbiyyatının canlılığının təsdiqi kimi qiymətləndirilir. “Le Monde” qeyd edir ki, bu qərar 2019-cu ildə polşalı yazıçı Olqa Tokarçukun Nobel mükafatına layiq görülməsindən sonra regionun bədii irsinə beynəlxalq diqqətin davamı hesab olunur.
Krasnahorkainin əsərləri öz mürəkkəb dili, fəlsəfi dərinliyi və qlobal xaos, mənəvi dağılma kimi mövzulara toxunması ilə seçilir. Onun “Sátántangó” (“Şeytanın rəqsi”) və “Seibo or Here Below” (“Seibo və ya yer üzündə”) kimi romanları tənqidçilər tərəfindən müasir Avropa ədəbiyyatının şah əsərləri sırasında göstərilir.
Ədəbiyyat üzrə Nobel Mükafatı İsveç Akademiyası tərəfindən hər il bəşəriyyətə mühüm ədəbi töhfə vermiş müəllifə təqdim olunur.
Poliqon.info
