“İtkin düşmüş şəxslərlə bağlı problemin həlli üçün səylərin birləşdirilməsi və əməkdaşlığın genişləndirilməsi” mövzusunda beynəlxalq konfrans iştirakçıları Şuşaya türməsində olublar.
"Hurriyyet.Az" “Teleqraf”a istinadla xəbər verir ki, səfər iştirakçıları Şuşa şəhəri ilə tanış olub, daha sonra onlar vaxtilə azərbaycanlı əsir-girovların saxlandıqları və dəhşətli işgəncələrə məruz qaldıqları Şuşa həbsxanasına baş çəkiblər. İştirakçılara həbsxana, burada işgəncə ilə öldürülmüş insanların basdırıldığı yerlər haqqında məlumat verilib.
Sabah tədbir iştirakçılarının Cəbrayıl rayonuna səfəri, həmçinin Zəngilan rayonunun Ağalı və Məmmədbəyli kəndlərində yeni məskunlaşma yerlərini ziyarəti nəzərdə tutulur.
