Bu gün İntizam Komitəsinin növbəti iclasında Misli Premyer Liqasının VII tur oyunları ilə bağlı qərarlar qəbul edilib.
Offsideplus.az xəbər verir ki, “Zirə” – “Neftçi” oyununun 90+7-ci dəqiqəsində “Zirə”nin 17 nömrəli futbolçusu Ayron Qomis ikinci sarıdan qırmızı vərəqə aldığı üçün 1 oyun cəzalanıb, klub 500 manat cərimə edilib. Oyunda VAR maşını ətrafında təhlükəsizlik tam təmin edilmədiyinə görə “Zirə” 1000 manat cərimə ödəməli olacaq.
"Ağ-qaralar"ın heyətində 4 nəfər sarı vərəqə aldığı üçün klub 700 manat cərimə edilib, azarkeşləri tərəfindən kütləvi iğtişaş törədildiyinə görə “Neftçi” komandası 10000 manat cərimə ödəməli olacaq. Bundan əlavə, “Zirə” – “Neftçi” oyununun 90+5-ci dəqiqəsində “Neftçi” komandasının məşqçisi Vəfadar Quliyev hakimin qərarına etiraza görə birbaşa qırmızı vərəqə aldığı üçün 2 oyun cəzalanıb, “Neftçi” isə 5000 manat cərimə edilib.
İclasda aşağıdakı qərarlar da qəbul olunub:
04.10.2025-ci il tarixində Misli Premyer Liqasında VII turun “Sumqayıt” – “Turan Tovuz” oyununda “Sumqayıt” komandasının 4 futbolçusu sarı vərəqə aldığı üçün “Sumqayıt” klubu 700 manat cərimə edilsin (maddə 43.1);
05.10.2025-ci il tarixində Misli Premyer Liqasında VII turun “Qəbələ” – “Şamaxı” oyununda “Şamaxı” komandasının 4 futbolçusu sarı vərəqə aldığı üçün “Şamaxı” klubu 700 manat cərimə edilsin (maddə 43.1);
I Liqa IV tur
01.10.2025-ci il tarixində I Liqada IV turun “Şahdağ Qusar” – “Mingəçevir” oyununda “Mingəçevir” komandasının 5 futbolçusu sarı vərəqə aldığı üçün “Mingəçevir” klubu 210 manat cərimə edilsin (maddə 43.1);
02.10.2025-ci il tarixində I Liqada IV turun “Şəfa” – MOİK oyununda MOİK komandasında 5 nəfər sarı vərəqə aldığı üçün “MOİK klubu 210 manat cərimə edilsin (maddə 43.1);
02.10.2025-ci il tarixində I Liqada IV turun “Şəfa” – MOİK oyununun 38-ci dəqiqəsində MOİK komandasının 2 nömrəli futbolçusu Hüseyn Əliyev ikinci sarıdan qırmızı vərəqə aldığı üçün 1 oyun cəzalansın, MOİK klubu 150 manat cərimə edilsin (maddə 17.7).
