Rusiya-Ukrayna müharibəsində daha bir azərbaycanlı həlak olub.
Yeniavaz.com xəbər verir ki, əslən Şirvan şəhərindən olan Ukrayna vətəndaşı Faiq Şofel (anasının soyadını götürüb) Dnipropetrovsk vilayətində döyüş tapşırığını yerinə yetirərkən həyatını itirib.
Faiq Şofel 30 yaşının tamam olmasına iki həftə qalmış - 12 oktyabr 2025-ci il tarixində həlak olub.
Onunla vida mərasimi oktyabrın 16-da Odessadakı “Zabitlər evi”ndə keçiriləcək. Dəfn mərasimi isə şəhər kənarındakı müsəlman qəbiristanlığında baş tutacaq.