ain.az, futbolpress-az portalına istinadən məlumat verir.
Azərbaycan Premyer Liqasının VIII turunun “Sumqayıt” – “Karvan-Yevlax” oyunundan (4:1) sonra qonaq komandanın baş məşqçisi Azər Həşimov jurnalistlərin suallarını cavablandırdı.
Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşdü…
– İkinci hissədə standart vəziyyətlərdən qollar buraxdıq. 3-cü qoldan sonra oyun qopdu. Rəqibi təbrik edirəm. Qarşıda “Turan Tovuz”la oyun var. Çalışacağıq ki, xal və ya xallar qazanaq.
– Qarşıda “Turan Tovuz”, “Zirə” və “Araz-Naxçıvan”la oyunlar var. Nə gözləyirsiniz?
– Yeni komandayıq. Mübarizə aparacağıq, asan təslim olmayacağıq. Futbolda bəzən döyüşsən də, məğlub olursan.
– Rahat qollar buraxırsınız. Bu, nə ilə bağlıdır?
– Standart vəziyyətlərdən qollar buraxırıq. Boşluqlar olur, qollar buraxırıq.
– Yevlaxdakı stadion nə zaman hazır olacaq və sizcə, oyunları evdə keçirməmək nəticələrə təsir edir?
– Öz meydanımızda oynasaydıq, məncə, 10-11 xal qazanardıq. İnşallah, bu məsələ də həll olar.
Şahin Cəfərov
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
