"Real"ın qapıçısı Tibo Kurtua zədələnib.
QOL.az xəbər verir ki, o, La Liqanın 9-cu turunun "Xetafe" ilə matçında sıradan çıxıb. 33 yaşlı qolkiper görüşün sonlarında seyv etdiyi zaman dizindən zərbə alıb.
"Mundo Deportivo"nun yaydığı məlumata görə, Kurtuanın Çempionlar Liqasının 3-cü turunun "Yuventus"la oyununu buraxacağı gözlənilir.
Qapıçı La Liqanın növbəti turunda "Barselona" ilə "El-Klassiko" qarşılaşmasına qədər bərpa olmaq istəyir.
Qeyd edək ki, Tibo cari mövsüm 17 matçda meydana çıxıb.
