ain.az, Sherg.az portalına istinadən məlumat yayır.
Öz ölüm elanını dərc etdirərək ədalətdən qaçmağa
çalışan Nikolas Rossi, 2008-ci ildə törətdiyi cinsi təcavüz cinayətinə görə həbs
cəzasına məhkum edilib. Şotlandiyada yaxalanaraq ABŞ-a təhvil verilən Rossi,
beş ildən ömürlük həbsədək cəza ilə mühakimə olunur.
Sherg.az xəbər verir ki, ABŞ-ın Rod-Aylend
ştatından olan və ölüm elanını dərc etdikdən sonra ölkədən qaçan Rossi, Yuta
ştatında törətdiyi cinsi təcavüz cinayətinə görə mühakimə olunub.
Solt Leyk Sitidə məhkəmə qarşısına çıxan 38 yaşlı
Rossi, beş ildən ömürlük həbsədək cəza ala bilər.
Bu hökm Rossinin 2008-ci ildə Yutanın şimalında iki
qadına cinsi təcavüzdə ittiham olunduğu iki ayrı işdən birincisini əhatə edir.
“Associated Press”-in (AP) məlumatına görə, Rossi
ikinci iş üzrə də təqsirli bilinib. Prokurorlar 4 noyabrda baxılacaq həmin iş
üzrə də eyni cəzanın - beş ildən ömürlük həbsin verilməsini tələb edir.
Birinci məhkəmədə üç gün davam edən iclaslar zamanı
zərərçəkən qadının və onun ailəsinin ifadələri dinlənilib və Rossi təqsirli
bilinib. Rossi isə ifadə verməkdən imtina edib.
Hakimiyyət orqanları Rossinin şəxsiyyətini
hadisədən on il sonra - 2018-ci ildə başqa bir iş üzrə götürülən DNT nümunələri
vasitəsilə müəyyənləşdirib.
Yuta ştatında test edilməmiş cinsi təcavüz sübut
dəstlərinin yenidən yoxlanılması nəticəsində minlərlə şübhəli barədə yeni
cinayət işləri açılıb.
Rossi barəsində cinayət işi qaldırıldıqdan qısa
müddət sonra - 29 fevral 2020-ci ildə, internetdə onun lenfomadan öldüyünü
bildirən saxta ölüm elanının yayımlandığı məlum olub.
Lakin Rod-Aylend polisi, Rossinin keçmiş vəkili və
qəyyum ailəsi bu xəbərdən dərhal sonra elanının saxta olduğunu təsdiqləyiblər.
Rossi 2021-ci ildə Covid-19 müalicəsi üçün getdiyi
Şotlandiyada yaxalanıb. Xəstəxana işçiləri, onun bədənində İnterpol
bülletenində qeyd olunan, o cümlədən heç vaxt oxumadığı Braun Universitetinin
loqosu olan döymələri görəndə şübhələniblər.
Uzunmüddətli hüquqi prosesdən sonra Rossi 2024-cü
ilin yanvarında Yutaya ekstradisiya olunub.
Məhkəmə prosesləri boyu Rossi öz kimliyini inkar
edib və özünü “Artur Nayt” adlı irlandiyalı yetim kimi təqdim edib.
İstintaqçılar isə onun ən azı on iki fərqli saxta
şəxsiyyət sənədi istifadə etdiyini müəyyənləşdiriblər.
Rossinin dövlət tərəfindən təyin olunmuş vəkili
bildirib ki, müvəkkili ittihamları qəbul etmir və xaricə qaçmasının onun
təqsirli olmasına sübut kimi dəyərləndirilməməlidir.
Məhkəmədə ifadə verən ilk zərərçəkən qadın deyib
ki, 2008-ci ildə ailəsi ilə yaşadığı vaxtda başından aldığı zərbədən sonra
“Craigslist” saytında yerləşdirilmiş elan vasitəsilə Rossi ilə tanış olub.
Qadın, iki həftə içində nişanlandıqlarını, lakin az
sonra Rossinin ondan pul istəməyə başladığını bildirib. Rossi, görüş
xərclərini, avtomobil təmirini və evdən çıxarılmamaq üçün min dollar borc
verməsini tələb edib.
Zərərçəkən daha sonra Rossinin evində ona cinsi
təcavüz etdiyini söyləyib. Rossinin eyni dövrdə başqa bir qadına da oxşar
şəkildə hücum etdiyini öyrəndikdən sonra polisə müraciət edib.
İkinci qadın da hadisədən dərhal sonra şikayət
edib. O, Rossinin kompüter almaq üçün aldığı pulu qaytarmaq bəhanəsi ilə onu
Orem şəhərindəki mənzilinə çağırdığını, lakin orada hücuma məruz qaldığını deyib.
Rod-Aylenddə qəyyum ailə sistemində böyüyən Rossi,
saxta ölüm elanını yaymazdan əvvəl həmin ştata qayıtmışdı.
Burada cinsi cinayətkar kimi qeydiyyatını
yeniləmədiyi üçün axtarışda olan Rossi haqqında, FTB məlumatına görə, Ohayo
ştatında 2008-ci ilə aid cinsi cinayətlər və dələduzluq ittihamları da
mövcuddur.
Ən son xəbərləri və yenilikləri almaq üçün ain.az saytını izləyin.
