Lavrov və Rubbio Nyu-Yorkda məhbusların dəyişdirilməsi məsələsini müzakirə ediblər...
Poliqon xəbər verir ki, Rusiya və ABŞ arasında məhbus mübadiləsi məsələsi diplomatik gündəmin aktual mövzularından biri olaraq qalır. Bu barədə “İzvestiya”ya açıqlamasında Rusiya Federasiya Şurasının beynəlxalq məsələlər komitəsinin sədri Qriqori Karasin məlumat verib.
Onun sözlərinə görə, məsələ Nyu-Yorkda Rusiya xarici işlər naziri Sergey Lavrov və ABŞ dövlət katibi Marko Rubbio arasında keçirilən görüşdə müzakirə olunub:
“Bu məsələ görüş zamanı qaldırıldı, lakin sonrakı mərhələlər barədə mənim məlumatım yoxdur. Amma bu, o demək deyil ki, danışıqlar dayandırılıb — əlaqələr davam edir,” — deyə senator bildirib.
Mümkün mübadilə siyahısına daxil edilə biləcək Rusiya vətəndaşları arasında bir neçə ad çəkilir. Onlardan biri 2023-cü ildə ABŞ sanksiyalarını pozaraq mikroelektronika tədarükünə görə 3 il həbsə məhkum edilən iş adamı Maksim Marçenkodur.
Həmçinin 2021-ci ildə internet reklam fırıldağına görə 10 il azadlıqdan məhrum edilən proqramçı Aleksandr Jukov, eləcə də ABŞ-da “sanksiyalara zidd əməliyyatlar” — yəni aviadzərrə hissələrinin Rusiyaya idxalı ittihamı ilə həbs olunan biznesmenlər Oleq Pazyulya və Vasili Besedin də mübadilə üçün potensial namizədlər kimi nəzərdən keçirildiyi bildirilir.
Ekspertlər qeyd edirlər ki, tərəflər arasında məhbus mübadiləsi həm siyasi dialoqun bərpasına, həm də humanitar məsələlərdə müəyyən irəliləyişə səbəb ola bilər.
Poliqon.info
