ain.az, Yeniavaz saytına istinadən bildirir.
Britaniya Suriyanın yeni rəhbərliyi ilə əməkdaşlığı dərinləşdirmək üçün “Heyət Təhrir əş-Şam”ı terror təşkilatları siyahısından çıxarıb.
Yeniavaz.com xəbər verir ki, bu barədə Böyük Britaniya Xarici İşlər və Daxili İşlər Nazirliyinin yaydığı bəyanatda bildirilib.
“Hökumətin “Heyət Təhrir əş-Şam”ı qadağan olunmuş terror təşkilatları siyahısından çıxarmaq qərarı Suriyanın yeni hökuməti ilə daha sıx əlaqələri asanlaşdıracaq və Böyük Britaniyanın həm xarici, həm də daxili siyasətində - terrorla mübarizədən tutmuş miqrasiya və kimyəvi silahların ləğvinə qədər prioritetlərini dəstəkləyəcək”, - deyə bəyanatda qeyd edilib.
Londonun da vurğuladığı kimi, ABŞ-nin iyul ayında atdığı oxşar addımı əks etdirən qərar, təşkilata üzvlük üçün cinayət məsuliyyəti və ona dəstək çağırışları da daxil olmaqla 2000-ci il Terror Aktının qadağan müddəalarının artıq “Heyət Təhrir əş-Şam”a şamil edilməyəcəyi mənasını ifadə edir.
Qeyd edək ki, Böyük Britaniya və Suriya arasında münasibətlər 2011-ci ildə Ərəb Respublikasında vətəndaş müharibəsinin başlamasından sonra kəskin şəkildə pisləşib. Bu münaqişədə London silahlı müxalifətin tərəfinə keçdi. 2012-ci ilin yanvarında Krallıq diplomatlarını Dəməşqdən təxliyə edib.
Xatırladaq ki, bu ilin mart ayından Böyük Britaniya Suriyaya qarşı sanksiyaları ləğv etməyə başlayıb. Konkret olaraq, bir sıra banklara, o cümlədən mərkəzi banka, eləcə də neft şirkətlərinə qoyulan məhdudiyyətlər aradan qaldırılıb. London daha sonra təhlükəsizlik agentliklərini və yerli medianı sanksiyalar siyahısından çıxarıb.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
