“Napoli” üçün ən pis göstərici

“Napoli” avrokuboklarda tarixinin ən böyükhesablı məğlubiyyətini alıb.

"Football-plus.az" xəbər verir ki, İtaliya klubu Çempionlar Liqasının (ÇL) 3-cü turunda səfərdə PSV-yə 2:6 hesabı ilə uduzub. “Opta”nın yaydığı məlumata görə, “Napoli” tarixində ilk dəfə avrokubok matçında qapısında 6 qol görüb.

Ümumilikdə isə neapollular sonuncu dəfə 1997-ci il dekabrın 21-də “Sampdoriya” ilə A seriyası matçında (3:6) 6 qol buraxmışdılar.

Əlavə edək ki, Antonio Kontenin komandası ÇL-in növbəti turunda “Ayntraxt”ı (Frankfurt) qəbul edəcək.