Polşanın Suvalki şəhərindən olan bir sahibkar anbar tikmək üçün aldığı torpaq sahəsində zibil torbaları tapıb.
“Onet” xəbər verir ki, içəridə o, bir yığın hərbi sənədlər aşkar edib. Nəşrin məlumatına görə, hadisə ötən ilin sonlarında baş verib. İş adamı hadisə barədə polisə məlumat verib və bir ay sonra Orzyszdəki mühəndis alayının komandiri etiraf edib ki, sənədlərdə onun bölməsinin üzvləri qeyd olunub. Torbalarda həmçinin silahların dizayn diaqramları, hərbi təlimlərin planları, hərbi sınaqların nəticələri, adları və telefon nömrələri olan digər hərbi qulluqçuların siyahısı da olub.
Qeyd edək ki, bir həftə əvvəl “Onet” redaksiyaya hərbi anbarların siyahıları, partlayıcı anbarların texniki planları və digər sənədlərin gətirildiyi analoji hadisə barədə məlumat vermişdi. Ziyarətçilər onları poliqonda tapdıqlarını iddia ediblər.
//Samir Qurbanov, Editor.az
