Banco.az saytından alınan məlumata görə, ain.az bildirir.
Müəllif: Tamara Mustafayeva, Banco.az
ABŞ-ın elektrikli avtomobil istehsalçısı “Rivian” xidmət və satış departamentlərindən 600 işçini ixtisar etmək qərarına gəlib.
Banco.az xəbər verir ki, ABŞ-lı elektrikli avtomobil istehsalçısı “Rivian Automotive Inc.”, ölkədəki elektrikli nəqliyyat vasitələri bazarındakı dəyişkənliyə qarşı tədbir olaraq təxminən 600 əməkdaşını işdən çıxarmaq qərarına gəlib.
Bloomberg-in məlumatına görə, işdən çıxarılmalar əsasən xidmət və satış şöbələrini əhatə edəcək və ticarət yönümlü vəzifələrə diqqət yetiriləcək.
2024-cü ilin sonuna olan vəziyyətə görə təxminən 15 min əməkdaş çalışdıran “Rivian” şirkətində bu ixtisarlar ümumi işçi sayının təxminən 4 faizinə bərabərdir, yəni təxminən 600 nəfəri əhatə edir.
“Rivian” nümayəndələri məsələ ilə bağlı şərh verməkdən imtina ediblər.
Bizi sosial şəbəkələrdən izləyin!!
Ən son xəbərləri və yenilikləri almaq üçün ain.az saytını izləyin.
