Idman.biz saytına istinadən ain.az xəbər verir.
İngiltərə Premyer Liqasının 9-cu turunda “Mançester Yunayted” lə “Brayton” arasında keçirilən oyun başa çatıb.
İdman.Biz bildirir ki, oyunda “mankunianlılar” 4-2 hesabı ilə qalib gəliblər.
Mateus Kunya 24-cü dəqiqədə “qırmızı şeytanlar”ı hesabda irəli çıxarıb. 34-cü dəqiqədə Kazemiro komandanın üstünlüyünü iki topa çatdırıb.
61-ci dəqiqədə isə “mankunianlılar”dan Brayan Mbemo fərqlənib. 74-cü dəqiqədə Denni Uelbek hesab arasındakı fərqi azaldıb. Xaralampos Kostulas 90+2-ci dəqiqədə “qağayılar”ın oyundakı ikinci qolunu vurub. Mbemo 90+7-ci dəqiqədə oyunda iki qolunu vuraraq hesabı 4-2 edib.
Bu oyundan sonra “Mançester Yunayted” İngiltərə Premyer Liqasının turnir cədvəlində 16 xalla dördüncü, “Brayton” isə 12 xalla 12-cidir.
“Qırmızı şeytanlar” növbəti matçda 1 noyabrda səfərdə “Nottinqem Forest”lə qarşılaşacaqlar, “qağayılar” isə həmin gün “Lids Yunayted”i qəbul edəcəklər.
İdman.Biz
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
