“Gəncənin futbol əfsanələri” şurası yaradıldı

“Kəpəz”in nəzdində yeni şura – “Gəncənin futbol əfsanələri” təsis edilib. Bununla əlaqədar klubun iclası keçirilib.

"Football-plus.az" xəbər verir ki, tədbirdə “Kəpəz”in infrastruktur rəhbəri Ruslan Məmmədov, seleksiya üzrə məşqçi Əli Rəhimov, komandanın baş məşqçisi Azər Bağırov, köməkçi məşqçi Zaur Əsədov, eləcə də Gəncə futbolunda dərin iz qoymuş sabiq futbolçular iştirak edib.

Ruslan Məmmədov şuranın yaradılma məqsədi barədə məlumat verib. O, bildirib ki, şuranın əsas məqsədi Gəncə futbolunun tarixi irsini qorumaq, təcrübəli futbolçularla gənc nəsil arasında əlaqəni gücləndirməkdir.

Tədbirdə Əli Rəhimov şuranın sədri seçilib.

Tədbirin sonunda keçmiş futbolçular öz fikirlərini səsləndirib, təklif və iradlarını bölüşüb.