"Mübarizəni kişi kimi aparın. Bu prosesə uşaqları, qadınları cəlb etmək olmaz. Mənə qarşı olan adamların ailəsi ilə bağlı çox məlumatım var. Amma mən yalnız onların dövlətçiliyimizə qarşı siyasətlərini faktlarla ifşa etmişəm".Metbuat.az xəbər verir ki, bunu Baku TV-nin "Aktual Gündəm" verilişində millət vəkili Elman Nəsirov özü ilə bağlı yayılan iddialar barədə danışarkən deyib. Deputat qeyd edib ki, o, siyasi fəaliyyətinə qarşı olan qüvvələrin təxribatına məruz qalır. "Saytlar əllərində bayraq ediblər ki, deputatın qızı çöldə qalıb. Amma bu məlumat yalandır", - deyə E.Nəsirov sözlərinə əlavə edib.