ABŞ dövlət katibinin Yaxın Şərq üzrə müavini vəzifəsinə namizəd göstərilən Joel Rayburn Senatda kifayət qədər səs ala bilməyəcəyi ehtimalına əsasən namizədliyini geri çəkib.
"Cebheinfo.az" xəbər verir ki, artıq Ağ Ev Joel Rayburnun namizədliyinin geri çəkilməsi barədə məlumat yayıb.
Bildirilib ki, Joel Rayburnun namizədliyi Senatın Xarici Əlaqələr Komitəsində ötən həftə keçirilən səsvermədən sonra geri çəkilib və bu qərarda Ağ Evin Joel Rayburnun Senatın ümumi iclasında kifayət qədər səs toplaya bilməyəcəyi ilə bağlı narahatlığı əsas rol oynayıb.
Qeyd olunub ki, Joel Rayburn komitədə 15-7 səslə təsdiqlənsə də, komitə üzvləri onun Senatın ümumi iclasında səsə qoyulması ilə bağlı tövsiyə verməmək qərarına gəliblər.
Joel Rayburn Donald Trampın Suriya üzrə xüsusi nümayəndəsi kimi fəaliyyət göstərdiyi dövrdə, Suriyadakı ABŞ əsgərlərinin sayını gizlətməyə çalışdığı iddiası ilə Senatda müqavimətlə qarşılaşmışdı.
Fevral ayında Tramp tərəfindən Dövlət Departamentinin Orta Şərq bürosuna rəhbər vəzifəsinə namizəd göstərilən Joel Rayburnun təsdiqi, ötən həftə Senatın Xarici Əlaqələr Komitəsində 15-7 səslə qəbul edilməzdən əvvəl aylarla gözləmə vəziyyətində qalmışdı.
