“İllərdir, xüsusən də son dövrlərdə din adamlarının həyat tərzi və şəxsi həyatı ilə bağlı çoxsaylı məlumatlar yayılır. İndi elə bir mərhələyə çatmışıq ki, nəinki vətəndaşlar, hətta kilsə xadimləri də müxtəlif yüksək rütbəli ruhanilər haqqında müxtəlif hekayələr danışmağa başlayıblar”.
Teleqraf xəbər verir ki, bunu parlamentdə keçirilən brifinqdə Ermənistanın hakim “Vətəndaş Müqavilə” fraksiyasının katibi Artur Ovannisyan deyib.
“Məsələn, eşidirdik ki, din xadimləri mitinqlərə məcbur edilirlər, indi də bunu təsdiq edən səs yazısı ortaya çıxıb. Mövcud hadisələrə gəlincə, istisna olunmur ki, yaxın gələcəkdə müxtəlif insanların faktiki halları internetdə yayılsın və ictimai müzakirə obyektinə çevrilsin. Yaxşı olardı ki, birdən-birə bu cür kədərli videolar yayılmasın”, - deputat bildirib.
Ovannisyan qeyd edib ki, müxtəlif məlumatların ortaya çıxa biləcəyi istisna edilmir: “Hansı mənbələrdən, kimlər tərəfindən, hansı məqsədlə toplanıb, bilmirəm”.
