Apa.az saytından verilən məlumata görə, ain.az xəbər verir.
Türkiyə 2030-cu ilə kimi sığorta bazarını ikiqat artırmağı hədəfləyib
“APA-Economics” xəbər verir ki, bunu Türk Dövlətləri InsurTech Zirvəsində çıxış edən Türkiyə Sığorta Birliyinin (TSB) Baş katibi Özgür Obalı bildirib.
Ölkə 2030-cu ilə qədər sığorta penetrasiyasını ikiqat artırmağı və ümumi sığorta haqlarını 44,3 milyard ABŞ dollarına çatdırmağı hədəfləyir.
Onun sözlərinə görə, Türkiyənin sığorta sektoru son illərdə dayanıqlı artım nümayiş etdirib. 2024-cü ildə sığorta nüfuzu tarixi maksimuma – 2,5%-ə yüksəlib və 2030-cu ilə qədər bu göstəricinin 4,7%-ə çatdırılması planlaşdırılır.
Təqdim edilən proqnozlara əsasən, ümumi sığorta haqları 2024-cü ildəki 25,8 milyard dollardan 2030-cu ildə 44,3 milyard dollara qədər artacaq ki, bu da 72%-lik artım deməkdir.
Özgür Obalı qeyd edib ki, bu dinamika rəqəmsal transformasiya, məhsul innovasiyaları və dövlət təşviqləri hesabına əldə olunacaq. O vurğulayıb ki, sığorta sektorunun genişlənməsi təkcə Türkiyənin iqtisadiyyatına deyil, həm də Türk dövlətləri arasında sığorta bazarlarının inteqrasiyasına və qarşılıqlı əməkdaşlığın güclənməsinə töhfə verəcək.
Sonrakı hadisələr barədə daha çox məlumat almaq üçün ain.az saytını izləyin.
