ain.az, Azertag saytından verilən məlumata əsaslanaraq xəbər yayır.
Astana, 28 oktyabr, AZƏRTAC
Bu ilin oktyabr ayında Çin Xalq Respublikasından dövlətlərarası Altınkol qovşağı vasitəsilə gələn qatarların sayı gündəlik olaraq 14-dən 10-a, bəzi günlərdə isə cəmi 6-ya düşüb.
AZƏRTAC “Qazaxıstan Dəmir Yolu” SC-nin mətbuat xidmətinə istinadla xəbər verir ki, səlahiyyətli Çin orqanları Urumçi və Pekin şəhərlərində taxıl yüklərindən nümunələrin götürülməsi və laboratoriya analizlərinin aparılması işlərini həyata keçirir. Yoxlama 5-10 gün çəkir.
Qeyd olunur ki, mövcud vəziyyət Qazaxıstan infrastrukturunun istismar şəraitinə təsir göstərib, habelə Çinə ixrac və tranzit yük daşıyan təxminən 3000 vaqonun yığılmasına səbəb olub. Bu rəqəm yüklərin ötürülməsini gözləyən vaqon heyətinin standart sayını üstələyir. Bu qatarların qəbulu əvvəllər Çin tərəfi ilə tam razılaşdırılmışdı.
İnfrastrukturunun sabit və təhlükəsiz işləməsini təmin etmək üçün “KTZ” SC konteyner qatarları ilə hərəkət edən müəyyən ixrac taxıl yüklərinin qəbuluna müvəqqəti texnoloji məhdudiyyətlər tətbiq etmək məcburiyyətində qalır. Bu, gündəlik üç qatardan çox olmamaq şərti ilə həyata keçirilir.
Bu tədbir müvəqqəti, həm də zəruridir və daşınmaları KTZ-nin məsuliyyət dairəsindən kənarda qəbul infrastrukturunun faktiki hazırlığı ilə sinxronlaşdırmaq məqsədi daşıyır.
Elşən Rüstəmov
AZƏRTAC-ın xüsusi müxbiri
Astana
Ən son xəbərləri və yenilikləri almaq üçün ain.az saytını izləyin.
