Bakı metrosunda "Apple Pay" və "Google Pay" ilə ödəniş mümkün ola bilər - RƏSMİ

Milyarder İlon Maskla Tesla səhmdarları arasında yeni böhran yaranıb.

Avtosfer.az Vtsѕіpeѕсіԁeg-ə istinadən xəbər verir ki, Mask ona 1 trilyon dollar  mükafat ödənməsə, şirkətin rəhbərliyindən istefa verəcəyini elan edib.

Tesla-nın direktorlar şurası səhmdarlara xəbərdarlıq edib ki, əgər onun 1 trilyon dollarlıq kompensasiya paketi təsdiqlənməsə, şirkət İlon Maskı itirmək riski ilə üzləşəcək. Şirkət səhmdarlara illik yığıncaqdan əvvəl göndərdiyi məktubda qeyd edib ki, Mask Tesla-nın davamlı böyüməsi üçün açar rolunu oynayır.

Direktorlar Şurasının sədri Robin Denholm vurğulayıb ki, Mask şirkətin potensialını açmaq və bazar liderliyini qorumaq üçün unikal mövqedədir. O, kompensasiya paketinin təsdiqlənməməsinin Maskın baş direktor vəzifəsindən istefasına səbəb ola biləcəyini və bunun "şirkətin dəyərini azalda və gələcəyini təhlükəyə atacağını" qeyd edib: "Səhmdarlar üçün sual sadədir: İlon Maskı Tesla-nın rəhbərliyində saxlamaq və onu şirkəti muxtar texnologiyanın aparıcı təchizatçısı və dünyanın ən dəyərli şirkəti halına gətirməyə təşviq etmək istəyirsinizmi?"

Qeyd edək ki, bu, Maskın investorlarla ilk münaqişəsi deyil. 2018-ci ildə ABŞ Qiymətli Kağızlar və Birja Komissiyası onu Tesla səhmlərini hər səhm üçün 420 dollara geri almağa hazır olduğunu tvit etdiyinə görə məhkəməyə verib. Tənzimləyici Maskın dediyini etmək üçün lazımi maliyyəyə sahib olmadığını və tvitin dərcinin bazar manipulyasiyası olduğunu müəyyən edib. Nəticədə, o, müvəqqəti olaraq üç il müddətinə idarə heyətinin sədri vəzifəsindən istefa verib.

Tesla hazırda çətin bir dövrdən keçir. 2024-cü ildə şirkət elektrik avtomobili istehsalında Çinin BYD-sinə uduzub: 1,78 milyon ədədə qarşı 1,77 milyon ədəd. Tesla-nın bazar kapitallaşması 2024-cü ilin sonundakı 1,4 trilyon dollardan 2025-ci ilin mart ayında 895 milyard dollara düşüb.

Tesla-nın satışları 2023-cü ildəki 1,81 milyon avtomobillə müqayisədə hazırda 1,79 milyon avtomobilə qədər azalıb. Ən böyük azalma Avropada müşahidə olunub: 2025-ci ilin yanvar-fevral aylarında satışlar yarıya qədər azalıb, halbuki qitənin ümumi elektrik avtomobil bazarı 25 faiz-dən çox artıb. Tesla-nın əsas bazarı olan Almaniyada satışlar 76 faiz azalıb.

Analitiklər qeyd edirlər ki, azalma təkcə rəqabətlə deyil, həm də Maskın ifrat sağçı hərəkatları açıq şəkildə dəstəkləyən siyasi fəaliyyəti ilə bağlıdır.

Forbes-ə görə, Elon Mask Tesla və digər şirkətlərinin səhmlərinin yüksəlişi sayəsində tarixdə xalis sərvəti 500 milyard dollardan çox olan ilk şəxs olub.

1 trilyon dollarlıq kompensasiyaya gəldikdə isə, Mask onu yalnız müəyyən mərhələlərə çatdıqda ala biləcək:

-2035-ci ilə qədər 20 milyon avtomobil satılacaq;

-1 milyon robotaksis və "botlar";

- FSD-yə 10 milyon abunə.

Bundan əlavə, Mask ən azı 7,5 il şirkətin baş direktoru olaraq qalmalıdır.(musavat)