Şamaxıda qadınlar, gənclər, kiçik və orta biznes sahibləri üçün sahibkarlıq təliminin növbəti mərhələsi uğurla keçirildi.
QHT.az xəbər verir ki, İqtisadi və Sosial İnkişaf Mərkəzi (CESD) tərəfindən “Azərbaycanda Dayanıqlı Yaşıl İnkişaf: Sirkulyar İqtisadiyyat Təşəbbüslərinin Dəstəklənməsi” layihəsi çərçivəsində təşkil olunan və Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilən təlimlərin məqsədi:
- Sahibkar olmaq istəyən və artıq sahibkar olan şəxslərin bilik və bacarıqlarını artırmaq
- Dayanıqlı təcrübələri və dairəvi iqtisadiyyat prinsiplərini təşviq etmək
- Yerli icmalarda inklüziv iqtisadi artımı təmin etmək
Füzuli və Şamaxıda KOB-lara, qadınlara və gənclərə fokuslanan layihə Azərbaycanda inklüziv və dayanıqlı iqtisadi inkişafı davam etdirir.