Azərbaycanın xarici dövlət borcu azalıb

01 oktyabr 2025-ci il tarixinə olan xarici dövlət borcu 4 893,1 milyon ABŞ dolları təşkil etmiş və bu, ÜDM-in 6,4 faizinə bərabər olmuşdur.

2025-ci ilin 01 yanvar tarixi ilə müqayisədə xarici dövlət borcu 236,6 milyon ABŞ dolları məbləğində azalmışdır.

Hesabat tarixinə xarici dövlət borcunun tərkibində dəyişən faiz dərəcəsi ilə olan öhdəliklər xarici dövlət borcunun 48,9 faizini, sabit faiz dərəcəsi ilə olan öhdəliklər isə 51,1 faizini təşkil etmişdir.