“Arsenal” və “Yuventus”da çıxış etmiş sabiq yarımmüdafiəçi Aaron Remzi itkin düşmüş itini tapana 20 min ABŞ dolları mükafat verəcəyini bildirib.
90deqiqe.Az xəbər verir ki, sabiq futbolçu bu barədə şəxsi sosial şəbəkəsində məlumat yayıb.
Remzinin sevimli iti təxminən iki həftə əvvəl itkin düşüb.
Futbolçunun iti üçün narahatlığı o qədər böyük olub ki, onun hazırda çıxış etdiyi Meksikanın “Pumas” klubu Remziyə dörd matçı buraxmağa icazə verib.
Qeyd edək ki, 34 yaşlı futbolçu 2025-ci ilin yayından Meksikanın “Pumas” klubunda çıxış edir. Daha əvvəl Remzi “Arsenal”ın yetirməsi, həmçinin “Yuventus”, “Reyncers”, “Kardiff Siti” və “Nitsa” klublarında oynayıb.
