ain.az, Redaktor.az portalına istinadən məlumatı açıqlayır.
ABŞ və Çin ticarət sazişinin hazırlanmasını yekunlaşdırıb. Sənədin imzalanması gələn həftə planlaşdırılır.
Redaktor.az xəbər verir ki, bu barədə ABŞ-nin maliyyə naziri Skott Bessent "Fox Business" telekanalına açıqlamasında məlumat verib.
Nazirin sözlərinə görə, “Kuala-Lumpur sazişi” adlandırılan razılaşma üzərində iş artıq başa çatıb. Müqavilənin əsas hissəsini Çinin ABŞ-dən geniş miqyasda kənd təsərrüfatı məhsulları alması təşkil edəcək.
“Bunu ilk dəfə sizin efirinizdə açıqlayıram: söhbət Pekinin bu saziş çərçivəsində həyata keçirməyi planlaşdırdığı nəhəng kənd təsərrüfatı məhsulu alışlarından gedir”, – deyə Bessent bildirib.
O, əldə olunan razılaşmanın dünyanın iki ən böyük iqtisadiyyatı arasında əlaqələri daha da möhkəmləndirəcəyini vurğulayıb.
Nuriyyə NATİQQIZI
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
