Əldə olunan atəşkəs razılaşmasından sonra Pakistan ilə Əfqanıstanın nümayəndə heyətlərinin İstanbulda keçirilən görüşləri başa çatıb. Türkiyə və Qətərin vasitəçiliyi ilə aparılan danışıqlarda atəşkəsin davam etdirilməsi barədə razılıq əldə olunub.
APA xəbər verir ki, bu barədə Türkiyənin Xarici İşlər Nazirliyi məlumat yayıb.
Nazirlikdən verilən yazılı açıqlamada bildirilib ki, Əfqanıstan ilə Pakistan arasında oktyabrın 18-i və 19-da Dohada Türkiyə və Qətərin vasitəçiliyi ilə əldə edilən atəşkəsin möhkəmləndirilməsi məqsədilə oktyabrın 25–dən 30-dək İstanbulda dörd ölkənin iştirakı ilə görüşlər keçirilib.
Tərəflər atəşkəsin davam etdirilməsi barədə razılığa gəliblər. Atəşkəsin icrasına dair əlavə məsələlər isə noyabrın 6-da İstanbulda keçiriləcək yüksəksəviyyəli görüşdə müzakirə ediləcək və qərara alınacaq.
***
00:14
Türkiyə və Qətərin vasitəçiliyi ilə keçirilən danışıqlarda Əfqanıstan və Pakistan atəşkəs rejimini qoruyub saxlamağa razılaşıb.
APA-nın Türkiyə bürosunun məlumatına görə, Türkiyə XİN əldə olunan atəşkəsin möhkəmləndirilməsi üçün 4 ölkənin iştirakı ilə oktyabrın 18-19-da Dohada, 25-30-da isə İstanbulda görüşlərin keçirildiyi bildirilib.
Bəyanatda həmçinin tərəflərin atəşkəs rejiminin saxlanması ilə bağlı razılığa gəldiyi və onun həyata keçirilməsi ilə bağlı əlavə prinsiplərin noyabrın 6-da İstanbulda keçiriləcək yüksək səviyyəli görüşdə müzakirə ediləcəyi bildirilib.
