.png)
"Verilişlərin reytinqini təyin edən Marsa adlı şirkət haqqında bir müddətdir araşdırma aparıram, amma təəssüf ki, heç bir dəqiq və açıq məlumat tapmaq mümkün deyil".
Publika.az xəbər verir ki, bunu tanınmış müğənni Nura Suri bildirib.
O qeyd edib ki, hamı efirdə yayımlanan səviyyəsiz, mənasız verilişlərdən şikayətlənir, amma bu verilişlərin “reytinq”ini kim və necə ölçür – heç kim bilmir.
"Heç kim bilmir ki, bu cihazlar hansı evlərdə quraşdırılıb, nəticələr necə toplanır və hansı meyarlarla “populyarlıq” müəyyən olunur.
Bütün telekanallar bu cədvəl əsasında sponsorlardan və reklamdan pul qazanır.
