UEFA Gənclər Liqasının əsas mərhələsinin 4-cü turunda keçiriləcək “Qarabağ” – “Çelsi” oyununun hakimi Dmitri Kubriak Rusiya - Ukrayna müharibəsinin iştirakçısı olub.
"Yeni Sabah" qafqazinfo-ya istinadla xəbər verir ki, bu barədə Ukrayna Futbol Assosiasiyası məlumat yayıb.
İxtisasca hərbi həkim olan D.Kubriak müharibəyə könüllü qatılıb. Yaralılara kömək edən referi əsir götürülüb. 5 ay saxlanıldıqdan sonra o, rusiyalı əsirlərlə dəyişdirilib. Toyuqlu pizza
Kubriak indi isə Gənclər Liqasında hakimlik üçün Bakıya gəlir. Ona yan xətt hakimləri qismində Vitali Skoblya və Aleksandr Korniyko köməklik göstərəcəklər. Dördüncü hakim funksiyasını isə azərbaycanlı Fərid Hacıyev yerinə yetirəcək.
Xatırladaq ki, noyabrın 5-də “Azərsun Arena”da keçiriləcək “Qarabağ” – “Çelsi” matçı saat 15:00-da başlayacaq.
Telegram kanalımız
