Rusiya ordusu Donetsk vilayətinin Pokrovsk şəhərində irəliləyib.
Reyting.az xəbər verir ki, bu barədə “DeepState” monitorinq layihəsinin məlumatında qeyd olunur.
Hesabata görə, ruslar Pokrovsk, Uspenovka, Novonikolaevka və Novoqriqoryevka yaxınlığında üstünlük qazanıblar.
Krasnıy Liman yaxınlığındakı təmas xəttinin də dəqiqləşdirildiyi bildirilir.
Qeyd edək ki, dünən Ukrayna Silahlı Qüvvələrinin Baş Qərargah rəisi Aleksandr Sırski bildirib ki, rus ordusu Pokrovsk şəhər ərazisində mövqelərini toplamağa və möhkəmləndirməyə çalışırlar. O, şəhərin ruslar tərəfindən blokadaya alınmadığını iddia edib.
E. KAMAL
