2023-cü ilin yayında Ukrayna müdafiə qüvvələri Rusiyanın ərazisində hazırda Rusiya hakimiyyətini təhdid edən “Oreshnik” raketlərindən birini məhv edib.
Editor.az xəbər verik ki, bu barədə Ukrayna Təhlükəsizlik Xidmətinin rəhbəri Vasil Malyuk məlumat verib. “Oreshnik” raketi Ukrayna Prezidenti Vladimir Zelenski ilə təhlükəsizlik rəsmiləri arasında jurnalistlər üçün açıq olan görüşdə müzakirə edilib: “Üç “Oreshnik” raketindən biri [Rusiya] ərazisində, [Rusiyanın Həştərxan bölgəsində, hərbi raket sınaq poliqonunun yerləşdiyi Kapustin Yarda] uğurla məhv edilib.
Bu, çox uğurlu bir missiya idi”, – Malyuk deyib. Onun sözlərinə görə, xüsusi əməliyyat SBU, Ukrayna Müdafiə Nazirliyinin Baş Kəşfiyyat İdarəsi və Ukrayna Xarici Kəşfiyyat Xidməti tərəfindən birgə həyata keçirilib: “Əməliyyat 100 faiz yerinə yetirilib, lakin o zaman bu barədə məlumat verilməyib”, – SBU rəhbəri vurğulayıb.
Malyuk qeyd edib ki, həmin vaxt bu barədə yalnız Prezident Vladimir Zelenski məlumatlandırılıb və “bir neçə başqa prezident” də bundan xəbərdar olub: “Bu, “Oreşnik” adının hələ geniş ictimaiyyətə məlum olmadığı, istifadə edilmədiyi və rusların o dövrdə onları xüsusilə təhdid etmədiyi bir vaxt idi”, – deyə o bildirib.
//Samir Qurbanov, Editor.az
