Idman.biz portalından alınan məlumata görə, ain.az xəbər verir.
“McLaren” komandasının 24 yaşlı avstraliyalı pilot Oskar Piastri karyerasında həyatını dəyişən ən önəmli yarışı açıqlayıb.
İdman.Biz "Sportskeeda"ya istinadən xəbər verir ki, o, Avropada qatıldığı ilk yarışdan danışıb:
“Karyeramı dəyişən yarış 2014-cü ildə Avropada keçirdiyim ilk yarış - "IAME International" finalı idi. Valideynlərim sadəcə mənim bu səviyyədə bacarığımı görmək istəyirdilər və məni ora göndərdilər. Finalda 21-ci yerdən start götürüb üçüncü oldum. Bu, həm mənim, həm də valideynlərimin gözlədiyindən qat-qat yaxşı nəticə idi".
Təcrübəli pilot əlavə edib ki, növbəti il bir neçə dəfə Avropada yarışıb: "Bir il sonra tamamilə Avropaya köçdüm. Əgər o yarışda belə yaxşı çıxış etməsəydim, yəqin ki, bu gün "Formula -1"də olmazdım".
İdman.Biz
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
