ABŞ prezidenti Donald Tramp Venesuela prezidenti Nikolas Maduronun saylı günlərinin qaldığını bildirib. Tramp CBS-in "60 dəqiqə" proqramında sualları cavablandırıb.

ABŞ-ın Venesuela ilə müharibəyə girib-girməyəcəyi soruşulduqda, Tramp dedi: "Şübhə edirəm, düşünmürəm. Amma onlar bizə çox pis davranırlar. Bu, sadəcə narkotik deyil, onlar yüz minlərlə istənməyən insanı həbsxanalarından və ruhi sağlamlıq müəssisələrindən ölkəmizə buraxıblar".

Tramp "Venesuela ilə bağlı problem narkotikdir, yoxsa Maduronun getməsidir?" sualını cavabsız qoydu. "Maduronun günləri sayılıdırmı?" sualına o, "Bəli, deyərdim" cavabını verdi.

ABŞ-ın Venesuela ərazisinə hərbi hücum edib-etməyəcəyi ilə bağlı Tramp dedi: "Bu, doğrudurmu, ya yox, sizə deməyə meylli deyiləm. Jurnalistlərə deməyəcəyəm".

"HƏMAS-ı tərksilah etmək istəsəydim, bunu dərhal edərdim".
Yaxın Şərqdəki hadisələrlə bağlı Tramp Qəzzada atəşkəsin "kövrək" olmadığını söyləyərək, HƏMAS-ın istənilən vaxt "dərhal aradan qaldırıla" biləcəyini iddia etdi. Donald Tramp dedi: "Əgər onların silahsızlaşdırılmasını istəsəm, bunu dərhal edəcəyəm, əks halda onlar məhv ediləcəklər və onlar bunu bilirlər."

İsrail Baş naziri Binyamin Netanyahunun Qəzzada atəşkəslə etdiyi kimi Fələstin Dövlətinin tanınması üçün çalışıb-işləməyəcəyi ilə bağlı suala cavab olaraq Tramp dedi: "Bəli, bəzi məsələlərdə onu bir az da israr etməli oldum və etdim. Onunla çox yaxşı işlədim, amma etdiyi bəzi şeyləri bəyənmədim və bu barədə nə etdiyimi gördünüz."

Netanyahunun üzləşdiyi hüquqi ittihamlarla bağlı Tramp iddia etdi ki, ona "yaxşı rəftar edilməyib" və dedi: "Düşünürəm ki, ona bir az kömək etmək üçün bu prosesdə iştirak edəcəyik, çünki düşünürəm ki, bu, çox ədalətsizdir."

Tramp həmçinin qeyd etdi ki, o və Netanyahu İranın nüvə potensialını ləğv ediblər və Tehranın artıq "heç bir nüvə potensialına" malik olmadığını iddia ediblər.

aia.az
Tərcümə şöbəsi

• Lider
• Venesuela
• Tramp
• Günlərin Sayı