ain.az, Lent az saytından verilən məlumata əsaslanaraq xəbər yayır.
Türkiyəli məşhur ifaçısı İbrahim Tatlısesin müraciəti əsasında oğlu Ahmet Tatlısəsə elektron qolbaq taxılmış və atasına yaxınlaşması qadağan edilmişdi.
Lent.az xarici KİV-ə istinadən xəbər verir ki, Ahmet Tatlısəs, atasının bütün mirasını 2021-ci ildə evləndiyi Gülçin Karakayaya buraxmaq qərarı aldığını iddia edərək, “Bizim davamız ailəmizi qoruma davasıdır” ifadələrini işlədib.
İbrahim Tatlıses son illərdə küsülü olduğu oğlu Ahmet Tatlısəs barədə prokurorluğa müraciət edib və uzaqlaşdırma qərarı tələb alıb.
Oktyabr ayının sonunda Tatlısesin müraciətinə baxan məhkəmə, Ahmet Tatlısəsə elektron qolbaq taxılmasına və atasına yaxınlaşmasının qadağan edilməsinə qərar verdi.
Sözügedən qərara sosial media hesabından etiraz edən Ahmet Tatlısəs, atasının bütün mirasını 2021-ci ildə evləndiyi Gülçin Karakayaya buraxmaq istədiyini irəli sürərək, aralarında yaşananların mülk davası olmadığını vurğuladı.
Bundan başqa, Tatlısesin son illərdə mirasın bölüşdürülməsinə dair aldığı qərarların digər övladları arasında da narazılıq yaratdığı iddia olunur.
Ahmet Tatlısəsin paylaşımı belədir:
“Mən Ahmet Tatlısəs. Bir neçə gündür haqqımızda çıxan xəbərlərlə bağlı danışmağım lazım olduğunu hiss edirəm. Bəli, atam bir qərar verib, hörmət edirəm. Təxminən bir ildir görüşmürük. Nə zəng, nə mesaj, heç bir əlaqəmiz yoxdur. Əslində mən İstanbulda, o isə İzmirdə yaşayır. Yəni fiziki yaxınlıq belə yoxdur. Amma buna baxmayaraq belə bir qərar verilib, buna da hörmət edirəm. Təxminən dörd ildir məhkəmə prosesindəyik, amma bu məhkəmə mal-mülk davası deyil. Bizim davamız ailəmizi qoruma davasıdır. Atamın bütün əmlakını 20 yaşlarında olan bir qıza buraxacağını eşidəndə hərəkətə keçdim. Yeddi övladı varkən belə bir qərar mənə çox yanlış gəldi. Mənim yeganə məqsədim qardaşlarımı, ailəmi qorumaq idi.”
Sonrakı hadisələr barədə daha çox məlumat almaq üçün ain.az saytını izləyin.
