ain.az, Azertag saytından verilən məlumata əsaslanaraq xəbər yayır.
London, 3 noyabr, AZƏRTAC
Böyük Britaniya Ukraynaya Rusiyanın ərazisinə dərin məsafədən zərbələr endirməyə imkan verən “Storm Shadow” raketlərinin yeni partiyasını göndərib.
AZƏRTAC “Bloomberg”ə istinadla xəbər verir ki, göndərilən raketlərin sayı açıqlanmasa da, bu addımın məqsədi Ukraynanın qış aylarında kifayət qədər raket ehtiyatına malik olmasını təmin etməkdir.
Avropa müdafiə şirkəti “MBDA” tərəfindən istehsal olunan bu raketlər 250 kilometrdən artıq uçuş məsafəsinə malikdir və hədəfə yüksək dəqiqliklə zərbə endirmək üçün inerisial, GPS və relyefə əsaslanan naviqasiya sistemlərindən istifadə edir.
Aytən Abbaslı
AZƏRTAC-ın xüsusi müxbiri
London
Ən son xəbərləri və yenilikləri almaq üçün ain.az saytını izləyin.
