Romanın mərkəzində, İmperial Fora yaxınlığında Konti Qülləsi iki dəfə çöküb və nəticədə bir nəfər dağıntılar altında qalıb.
“Corriere della Sera” qəzetinin məlumatına görə, Konti Qülləsində bərpa işləri aparılıb. Birinci çökmə saat 11:20 radələrində, ikincisi isə saat 13:00 radələrində baş verib. İlkin məlumatlara görə, bir işçi qüllənin birinci mərtəbəsində dağıntılar altında qalıb. Yanğınsöndürənlər onu pəncərədən xilas etməyə çalışırlar. Əvvəlcə qüllənin başında qalmış daha dörd nəfər xilas edilib. Onlardan biri, 64 yaşlı kişi, təcili yardım maşını ilə xəstəxanaya aparılıb.
Hüquq-mühafizə orqanlarının əməkdaşları İmperial Fora və mərkəzi meydanın ətrafını tamamilə mühasirəyə alıblar. Qəzetin məlumatına görə, bu, qismən ehtiyat tədbiri kimi edilib — polis qüllənin daha da çökməsindən ehtiyat edir.
//Samir Qurbanov, Editor.az
