"Real"ın qış transfer pəncərəsi üçün hədəfi müəyyənləşib.
QOL.az xəbər verir ki, bu barədə "El Nacional" məlumat yayıb.
Madrid təmsilçisi "Kristal Pelas"ın yarımmüdafiəçisi Adam Uortonu nişan alıb. Bildirilib ki, "Real"ın baş məşqçisi Xabi Alonso 21 yaşlı yarımmüdafiəçini “yeni Toni Kroos” hesab edir. Mütəxəssis birbaşa klub rəhbərliyindən adıçəkilən futbolçunun transferini istəyib. "Real" Uorton üçün təxminən 60 milyon avro ödəməyə hazırdır.
Qeyd edək ki, Uorton cari mövsüm bütün yarışlarda 13 matçda meydana çıxıb və bir məhsuldar ötürmə verib. Onun klubla hazırkı müqaviləsi 2029-cu ilin yayına qədərdir.
